AJIRA MPYA 12,000 ZA WALIMU KUPUNGUZA CHANGAMOTO YA UPUNGUFU WA WALIMU – Mhe. Katimba Na. James K. Mwanamyoto OR-TAMISEMI
Naibu Waziri, Ofisi ya Rais-TAMISEMI (Elimu) Mhe. Zainab Katimba amewahakikishia wanafunzi wa Shule ya Sekondari Kichangachui iliyopo Manispaa ya Kigoma Ujiji kuwa, katika mwaka wa fedha 2024/25 Serikali itaajiri walimu 12,000 ili kupunguza changamoto ya upungufu wa walimu nchini.
| Ajira Portal chaneli | Jiunge hapa |
Mhe. Katimba ameeleza mpango huo wa Serikali kuajiri walimu, mara baada ya kutakiwa na Makamu wa Rais Mhe. Dkt. Philip Mpango kujibu hoja ya upungufu wa walimu katika Shule ya Sekondari Kichangachui, iliyowasilishwa na mwanafunzi wa shule hiyo.
Mhe. Katimba ameanisha kuwa katika mwaka huu wa fedha, Serikali itaajiri walimu wapya 12,000 ili kuhakikisha shule zilizojengwa zinapata walimu watakaotoa elimu bora kwa watoto wa kitanzania kama ilivyokusudiwa.
Soma zaidi: Nafasi za kazi Wilaya ya Hai – Julai 2024
“Niwahakikishie wanafunzi kwamba, Serikali yenu makini inayoongozwa na Rais Mhe. Dkt. Samia Suluhu Hassan inatambua changamoto inayowakabili na ndio maana imepanga kuajiri walimu 12,000 ambao watapangwa katika shule mbalimbali nchini ikiwemo na shule yenu,” Mhe. Katimba amesisitiza.
Aidha, Mhe. Katimba amemtaka Mkurugenzi wa Halmashauri ya Manispaa ya Kigoma Ujiji kufanya tathmini ya upungufu wa walimu na kufanya msawazo wa walimu, ili kuziwezesha shule zenye upungufu mkubwa wa walimu kupata walimu walau wachache wakati Serikali ikiendelea kukamilisha mchakato wa kuajiri walimu 12,000 katika mwaka huu wa fedha.
Sanjari na hilo, Mhe. Katimba ametoa wito kwa wanafunzi wa shule hiyo ya Sekondari ya Kichangachui na wengineo, kuhakikisha wanasoma kwa bidii ili kutimiza ndoto zao za kushika nafasi mbalimbali za uongozi na kutoa mchango katika maendeleo ya taifa.
Serikali ya Awamu ya Sita inayoongozwa na Rais wa Jamhuri ya Muungano wa Tanzania Mhe. Dkt. Samia Suluhu Hassan imeboresha na inaendelea kuboresha miundombinu ya elimumsingi nchini, lengo likiwa ni kuwawezesha watoto wa kitanzania kuwa na mazingira rafiki ya kupata elimu bora itakayokuwa na tija katika kuliletea taifa maendeleo.
Mfumo wa Ajira Tamisemi
Kama watatangaza hizi ajira basi mfumo wa ajira Tamisemi, jinsi ya kutuma maombi utapatikana hapa.
- Tafadhali chagua aina ya maombi ya ajira kama ni ELIMU
- Kama ni muombaji mpya bofya kiunganishi cha juu kulia “Jisajili” kuanza kuomba
- Ingiza namba ya NIDA au barua pepe kama jina la mtumiaji na uingize nywila yako kuingia ndani ya mfumo.
- Baada ya kufanikiwa kuingia ndani, tafadhali kamilisha maombi yako kabla ya tarehe ya mwisho
- Maombi yasiyokamilika hayatafanyiwa kazi
- Hakikisha kabla ya kutuma maombi umesoma na kuelewa vizuri tangazo lilotolewa
- Hakikisha vyeti ulivyo ambatanisha vinasomeka vizuri
- Kuwasilisha taarifa za kughushi zitapelekea kuchukuliwa hatua za kisheria dhidi yako
- Bofya hapa ili ujisajili kwa ajili ya kutuma maombi
NB: Hizo hapo juu ni hatua kwa hatua kama TAMISEMI watatangaza nafasi za ajira mpya 12000 za walimu na hivyo mfumo wa maombi ya ajira Tamisemi utakuwa wazi.
Leave a comment