Nafasi za kazi Mji Masasi – Utumishi Julai 2024

Leo kutoka Sekretarieti ya Ajira, Serikali imetangaza ajira mpya au Nafasi za kazi Mji Masasi – Utumishi Julai 2024. Kufuatia Halmashauri ya Mji Masasi kupata kibali cha Ajira chenye Kumb. Na. FA.97/288/01/09 cha tarehe 25/06/2024, chenye nafasi ya Mtendaji wa Mtaa III (6) kutoka kwa Katibu Mkuu Ofisi ya Rais – Menejimenti ya Utumishi wa Umma na Utawala Bora. Mkurugenzi wa Halmashauri ya Mji Masasi anatangaza nafasi za kazi na anakaribisha maombi kwa Watanzania wenye sifa za kujaza nafasi hizo :-

Ajira Mpya Masasi

1. MTENDAJI WA MTAA III– NAFASI (6)

KAZI NA MAJUKUMU YA MTENDAJI WA MTAA DARAJA LA III
i. Katibu wa Kamati ya Mtaa.
ii. Mtendaji Mkuu wa Mtaa.
iii. Mratibu wa utekelezaji wa Sera na Sheria zinazotekelezwa na Halmashauri katika Mtaa.
iv. Mshauri wa Kamati ya Mtaa kuhusu mipango ya maendeleo katika Mtaa.
v. Msimamizi wa Utekelezaji wa Sheria ndogo pamoja na Sheria nyingine zinazo tumika katika Mtaa.
vi. Mshauri wa Kamati ya Mtaa kuhusu masuala ya ulinzi na usalama.
vii. Msimamizi wa utekelezaji wa mikakati mbalimbali inayohusu uondoaji wa njaa na
umaskini katika mtaa.
viii. Kusimamia ukusanyaji wa mapato ya Halmashauri na kutunza kumbukumbu za walipa kodi wote.
ix. Kuandaa na kutunza rejesta ya wakazi wote wa Mtaa.
x. Kuwajibika kwa Mtendaji wa Kata.

SIFA ZA MWOMBAJI:

Awe amehitimu elimu ya kidato cha Nne (IV) au Sita (VI) aliyehitimu mafunzo ya Astashahada(Cheti) cha NTA Level 5 katika moja ya fani zifuatazo: Utawala, Sheria, Elimu ya Jamii, Usimamiziwa Fedha, Maendeleo ya jamii na Sayansi ya Jamii kutoka Chuo cha Serikali za Mitaa Hombolo au Chuo chochote kinachotambuliwa na Serikali.

Bonyeza hapa kudownload tangazo la nafasi za kazi Masasi